Naalala ko una akong natutong magbasa sa pamamagitan ng Komiks na pinarerentahan ng kapitbahay namin, na matiyagang binabasa sa aking ng kapatid ko, naging pamilyar sa akin ang mga letra at bigkas ng bawat isa. Natuto akong gumuhit ang maliliit kong kamay dahil tinuruan ako ng nanay ko kung ano ba ang dapat hugis ng mukha ng tao kapag nakatagilid. Natuto akong maging matapang dahil sa tatay ko, natatandaan ko bawal ako umuwing umiiyak kapag may kaaway ako o ako ang inapi. Kahit nasasaktan ako dati natuto akong hindi umiyak sa harap ng ibang tao. Natuto akong maging matiyaga at humaba ang pasensya dahil sa mahigit sampung taon sa pagiging guro. Ano ba ang dapat ko pang matutunan sa buhay? natuto ba talaga ako? Kayo kailang kayo natuto?
Hanggang saan ba kailangan matuto ng tao? nabuhay ba talaga tayo para matuto? pasunurin ng mundo kung ano ang dapat at hindi dapat gawin? Gusto ba talaga natin matuto o dahil wala kang magagawa kasi kasama na ito sa buhay mo? Bukod ito sa usapin sa EDS 103 na Unlearned di mo naman kailangan kabisaduhin, nasa sarili mo ito sabi “within, instinct” (Kapag nagutom ka kakain ka, kapag napuwing ka mapapipikit ka etc) Ang tinutukoy ko ay yung “learned” yung natutunan mo sa paligid mo, sa kapwa mo sa buong lipunan na ginagalawan mo. hanggang saan ba ang kaya mong matutunan. Hindi mo ba naisip na punong-puno na yung utak mo na kapag tinanong ka ng guro mo bakit ka nandito sasagot mo yung inaasahang sagot ng edukadong tao ” Kasi I love learning po” pero yung salitang Love alam mo ba yun na kapag sinabi mong I love , yung hindi ka napapagod, yung tumatanggap ka ng kahinaan hindi lang kalakasan mo, kapag sinabi mong i love learning hindi dahil sa kailangan mo kundi gusto mo, tinitibok ng puso mo. Hindi ka pa ba pagod? hindi pa ba ako pagod? ang daming ekspektasyon ng mundo di ba?
Iniisip ko minsan tama sa Paulo Freire (Pampalumbag loob ko kapag napapagod ako sa mundo)”Pedagogy of the Oppressed” Sa isang banda, pinagagalaw tayo ng sistema. Ang buhay ng isang edukadong tao o nanganagarap maging edukado ay gulong. Paulit-ulit parang ulam sa refrigerator na pwedeng init-initin. Bakit? Mula pagkabata, hindi pa pumapasok sa paaralan may iba na satin kinakantahan ng mga nanay natin sa loob ng sinapupunan para daw kapag lumabas ang bata maging matalino, madaling matuto. kapag nag-aral tayo sa primarya pagpasok mo nakalagay agad NO ID, NO ENTRY bago ka turuan ng ABAKADA natutunan muna ang dapat iasal. Magpapatuloy yan hanggang sekondarya at Tersyarya. mag-aaral ng mga konsepto, iintindihin ang gamit, matututo ng mga bagay na dapat alamin, Siyensya, Matematika, Kultura Atbp. Maaring matawag na mangmang kapag hindi ka nasunod sa tawag ng pagkatuto. Para ba kanino? Masaya ka ba? Matalino ka na, The best ka, very good, excellent, topnotcher, summa Cum Laude Etc. Masaya ka na ba? sabi magaling ka bakit di ka pa masaya? Mga katagang pinapaikot at umuuto satin upang paghusayan pa, lahat naman pinaikot ng lipunan. Magiging empleyado ka rin? lahat ng natutunan mo gagamitin lang ng ibang gahaman sa salapi upang mas umunlad kanilang negosyo? para ba sa kanila pagsisikap ko? pinasusunod tayo ng mundo. E kung hindi ako sumunod sa mundo? Masama ka, taksil, bobo, mangmang, walang pag-asa, black sheep, barubal etc.
Matuto ka hindi para kay Boss, matuto ka hindi para pumasa at matuwa ang guro mo sayo. Matuto ka kasi tinototoo natin yung sinabing “I LOVE LEARNING” Kapag mahal mo hindi ka mapapagod. Matuto ka kasabay ng paghinga mo hindi dahil dinidikta ng lipunan mo, matuto ka hindi dahil takot ka harapin ang mga negatibong kataga sayo.. Saluhin mo (Catch-baseball) ipasa mo, i-dribble mo pa, i-enjoy. Isipin nating sabay-sabay hindi tayo api, ang pagkatuto ay paglaya, ang pagkatuto ay hindi usapin ng ikaw, ang pagkatuto ay usapin ng SILA… para sa sususnod na henerasyon na kahit ano pa ang antas mo sa buhay may maipapasa ka sa susunod na henerasyon. Aba N22 na ko! Ikaw N22 ka ba?
Rhenee Lim : Learning and Teaching 